HAIN KA NA?

HAIN KA NA?

Sinurat ni: Alvin Tuballas Capate

H-ingalimtan man adton trabahuon

  Si ikaw diri ko gud kaya himuon;

  Nga ikaw akon na limuton

  Bisan pa si ako paglumuton.

A-an akon pangandoy, an akon panamilit

  Kamingaw sa imo, kairo gad kay pinipirit;

  Agod la nga matuman adton mga inop

  Kaupayan san ngatanan nga aton sakop.

N-ahidlaw man ako sa imo mga harok

 Ikakadto konta sa iba, pero nahahadok;

 Bangin diri bumulag ngan ako imo mapokpok

 Kabataan ko ako liwat bangin ako masuntok.

K-on pananglit man mayaon sin iba

  Ayaw kabaraka kay iton buwa la;

  Sugad pa, buwa la nga gugma

  Kay ikaw gudla an akon tinguha.

A-yaw gad pagdumduma ngan pag-isipa

 Nga ako aadto siton nakupkop san iba;

 Kay ungod man iton, ayaw kabaraka

 Ikaw gihapon waray iba nga isasaka.

N-ano dawla kay ada pirmi an duda

 Maskin diri ka naghihimo sin iba;

 Kay tungod ba nga may nakaagi na

 O kon tungod kay higugmaon ka.

A-no pa man adton mga pasangil

 Ayaw na gad kita sin burubingkil;

 An maupay iton diri kita mapusil

 Kay diri na si manoy masikil.

Sa yana hain ka na?

AKO AY PULIS

AKO AY PULIS

Sinurat ni: Alvin Tuballas Capate

A-n akon trabaho damu an nauba

  Kuno abusado mao pagkita nira;

  Nahiapi san ginhihimo san iba

  Tanan maraot na kanra pagkita.

K-onta diri man sahiron, diri sugad siton

  Damu pa an tangkod kaysa naglulurong;

  Higugmaon ko an akon propisyon

  Diri ko karuyag nga ini kawangon.

O-o, sakob la ako sadton may ginhihimo nga maraot

  Bisan kon maupay an akon karuyag ngan pamuruboot;

  Tungod san iba nga kabaro nga diri nagtatangkod

  Api ako nga sobra kaseryoso ngan nagserbisyo sin ungod.

A-yaw gad man niyo kami pagsahira

  Kay an diri tangkod maiihap mo la;

  Kami nga nagtratrabaho sin ungod-ungod

  Diri maiihap kay sobra kami kadamu gud.

Y-ana iyo gad konta ini pag-inuinohon

  Kon maghusgar diri man niyo sahiron;

  Tangkod ako sa akon ginpili nga propisyon

  Kay pagbulig sa tawo mao an akon ambisyon.

P-ulis ako kinahanglan tangkod sa serbisyo

  Diri kinahanglan mag-abuso kay sweldado;

  Labi na yana kay doblado na saat pangulo

  Nano pa ba nga kinahanglan ko magloko.

U-nanhon pa man kay an imahe namon nagraot

  Tungod san buhat sa mga pulis nga waray buot;

  Sanglit pasensya na kamo sa kanra nahimo

  Ako iba an prinsipyo, aadi basi buligan kamo.

L-isto kamo kon yaon makit-an nga diri mao

 Kinahanglan ireport gud dayon ini niyo;

 Basi diri masug-an labi na san mga bag-o

 Kay kairo man sa kanra mga sakripisyo.

I-sipon konta an kuri nga gin aagian

 Pagbansay nga sobra an kakurian;

 Antis makatalwas sa imo ginladngan

 Propisyon nga yana aada sa imo man.

S-aludo ako sa mga igkasi Pulis ko

  Diri napadara sadton mga listo;

  Gin huhugay sin kon nano-nano

  Agod la matuman adton kanra plano.

SAN ROKENHON AKO

SAN ROKENHON AKO
Sinurat ni: Alvin Tuballas Capate

S-a bug-os nga kinabuhi akon higugmaon

  Diri nahingalimtan, pirmi ko babalikan;

  Kay ikaw gudla bungto ko nga natawhan

  Aada sa imo nakalubong an akon inulnan.

A-ko man kumadto sa hagrayo nga lugar

  Bisan pa nano nga mga burubinggar;

  Akon respeto sa mahal nga Patrono

  Aadi pirmi sinin kasing-kasing ko.

N-ano man kaupay an akon kamutangan

  Kon harayo naman sa kag-anak ug kabugtuan;

  Malingi ako pirmi ngan pagbabalik-balikan

  Malipay ako sa akon bungto nga gin tikangan.

R-espeto kon yaon kita sa aton kag-anak

  Respeto liwat kon diin kita igin-anak;

  Diri tutugutan nga an bungto magraot

  Kay kasul-anan manta ini san imo buot.

O-bserbaran ta an kaupayan san bungto

  Ayaw nga pagraot an ibulig nimo;

  Kay dinhi ka man sini nagtikang

  Ngan ini maupay balik-balikan.

K-inahanglan naton maghatag kontribusyon

  Kaupayan san bungto ngan kooperasyon;

  Agud kita an magin susgaranan

  Sadton natubo nga kabataan.

E-storyahan ta sin maupay agud magtuhay

  Kabataan nga ada sa kalye umiwas san panulay;

  Diri sira basta-basta sa yawa magpasulay

  Kay sira man an magraraot ngan mawawakay.

N-gatanan aton himuon ug sa kanra igtutdo

  Kaupayan mahibaruan bumulig sa bungto;

  Diri magin bugoy ngan diri magpinasaway

  Basi an kinabuhi tadong ngan sira mag-upay.

H-ingalimtan naton adton mga pagdumot

  Dumdumon naton an Patrono para sumabot;

  Mga bulig nga sa kanya imo nakab-ot

  Pangaraba sa kanya nga imo gin paabot.

O-o, diri gad naton ungod nga nakaestorya

  Tungod kay kita Kristyano natuod sa kanya;

  Mga milagro nga nahibulig pagbulong niya

  Ayaw kita pagbuhi sa gahom ngan kanya giya.

 

N-atuo kita san Milagro ni Senior San Roque

  Kay siya gud an paglaum naton nga mga pobre;

  Nabulig siya sa pirmi diin damu la nga paagi

  Kaya ayaw gad naton an bungto hingalimti.

A-n tawo danay na gad nahihingalimot

  Labi damu na nga kwarta an nakakab-ot;

  Bungto nga natawhan nga kanya namat-an

  Pirit diri nalingag ngan kanya ini nalilimtan.

K-on waray man kita sa kalugaringon nga bungto pag-asenso

  Diri sugaron nga sa iba ka nga lugar nakayaon progreso;

  Mawawaraan ka na gugma sa gin tikangan nga bungto

  Dumduma gadla sin maupay nga yaon kita GINOO.

O-rdinansa yana sa aton bungto…may ada sini nadumot

  Diri la ngon-a naghuhuna-huna…dayon nalalangot;

  Damu man gihapon nasunod kay sira man nakasabot

  Kaupayan san BUNGTO…kaupayan man nga MAKAKAB-OT.

BUNGTO NGA NATAWHAN….DIRI KA HINGANGALIMTAN!

PROGRESO NGA INOP, SA YANA NATATAGAMTAMAN….